Es hot si ergebn im 16a Joa, da Kirtog am 15. wieda moi woa.
Kumman san d´Leit von Nah und von Fern, fesche Dirndl und trochtige Herr´n.
Ob oid oda jung, ob dick oder dünn, der Kirtog geht hoid an jeden in Sinn.
Is für den Ort a wahre Tradition, zerst Kirch´n dann Frühschoppen, wos für a Kombination.
Grühendl, Brodwirschtl und suichane Schmankerl, woan begehrt von da Oma bis zum kloan Gankerl.
Rund um an Schankwogn homs a si begoss´n, manche homs Bier hoid zu sehr genoss´n.
Und am Dorfplotz wias jedes Joa muas sei, homs ausgschenkt an edlen Wei´.
Trotz Regenguss und nosses G’wand, san die Leit do bliem bei unsan Stand
Und für die Dafrorenen woa hoid a vü Flüssiges drin, beim Buschta Tom in da Old Inn.
Gspüt hot zerscht die Trochtn Musi aus Spital, von Mürzsteg san die nächsten kumman, also a ganz lokal.
Wies immer is sogt die Feuerwehr recht schön Dank, für zahlreich konsumierte Speis und Trank.
Des Göd geht sofort und a net zu spät, in den Ankauf für neues Gerät.
Fois wieder moi wo wettert oder brennt, dast Feuerwehr guad ausgrüst kummt grennt.
Mia vom SpaS-Blog woan a wieder dabei, auf unsere Fotos find ma so allerlei.
Vü Spaß und bis zum nächsten Joa, 15. August is eh jeden kloa.
No Comments